Nangayo ug pagtugot si Senator Rodante Marcoleta sa Commission on Elections (Comelec) nga iproklama na daan ang mga top-ranking nga kandidato sa Senado alang sa 2025 National ug Local Elections.Sa usa ka 4-ka panid nga mos nga gisumite sa Comelec, gibutyag sa kampo ni Marcoleta nga anaa siya sa ika-6 nga pwesto nga may 14,895,858 ka boto.
Sumala sa Paragraph 11 sa ilang mosyon, posible pa nga mausab ang pwesto sa mga kandidato nga anaa sa ika-7 hangtod ika-12, busa nangayo siya og sayong proklamasyon para sa klaro nang top 6 base sa opisyal nga canvass returns.
Giduso sab sa iyang kampo ang pangayo og kasayuran ug klaro nga tubag gikan sa Comelec kabahin sa gika ingon nga kalainan sa ihap sa boto sa transparency server. Sumala sa ilang mosyon, gikan sa 1:32 sa kaadlawon, nakakuha si Marcoleta og 15,001,038 ka boto apan pag-abot sa 2:11 sa kaadlawon, kini mi os-os og kalit ngadto sa 12,244,219.
Gikan alas-12:23 sa kaadlawon hangtod alas-4:03 sa Mayo 13, napansin ang diperensya nga miabot og 5 milyong boto. Sumala sa Comelec, posible kining resulta sa problema sa software sa mga sistema nga modawat og datos, Pahayag ni Comelec Chairman George Garcia, tingali adunay duplicate entries gikan sa clustered precincts nga wala na-filter og tarong sa ubang receiving systems.