Moabot na sa halos 1,100 ka mga Pilipino ang malampusong napauli gikan sa Middle East, lakip na ang mga masakiton nga gipaubos sa medical evacuation.
Kini human gimandoan ni Presidente Ferdinand Marcos Jr. ang pagpadayon sa mga repatriation flight aron madali ang pagluwas sa mga kaigsuon natong naapektohan sa nagkataas nga tensyon sa maong rehiyon.
Matod pa ni Executive Secretary Ralph Recto, padayon ang humanitarian airlift sa kagamhanan ug duna na silay giandam nga bag-ong chartered flight sa dili pa mahuman ang kasamtangang buwan.
Gawas sa Saudi Arabia, gipakusgan usab ang evacuation efforts sa Israel, Kuwait, ug Bahrain aron maseguro ang kaluwasan sa mga Pinoy.
Dugang pa ni Recto, ang pundo nga gigamit alang niini gikuha gikan sa P2 bilyon nga AKSYON fund sa Department of Migrant Workers (DMW).
Ubos niini, libre ang plete sa eroplano, pagkaon, kapuy-an, counseling, ug uban pang serbisyong medikal alang sa mga mopauli nga OFWs.