Kabsan sa iyang kinabuhi ang usa ka magsisibya atol sa nagpadayong airstrike sa Israel gahapon, Mayo 13 ning tuiga.
Subay sa rekord, giila ang biktima nga si Hassan Aslih ug nabugtuan sa iyang kinabuhi sa sulod sa Nasser Hospital sa Gaza sumala pa sa Ministry of Health sa Gaza.
Nasayrang nagapaalim kini sa balay tambalanan sa dihang nagpadayon ang pagpangatake sa Israel.
Sumala pa sa Israel, kabahin matud pa si Aslih sa Hamas ug nahimong kabahin sa natigayong pagpangatake niadtong 2023, apan hugot kining gipanghimakak sa Hamas.
Sumala pa sa opisyal sa Gaza, usa sab ka pasyente ang namatay ug daghan sab ang samaran human sa maong pagpangatake.
Gikumpirma sa militar sa Israel nga target nila ang mga ginakonsiderang ‘terorista’ sa ospital. Sa bulag nga insidente, 16 ang namatay ug 70 ang samaran human nga miigo ang siyam ka mga missile human kining miigo sa Gaza European Hospital.
Gipamugos sa Israel nga dunay Hamas command center nga nahimutang ilawom sa ospital.
Samtang miabot na sab sa 52,000 ang namatay sa Gaza subay sa talaan sa local health officials.
Samtang padayon nga nagkagrabe ang humanitarian crisis gumikan sa nagpadayong gubat sa rehiyon ug kakuwangon sa suplay sa pagkaon.