Gidayeg ang usa ka 2 anyos nga bata human niining giluwas ang iyang amahan nga anaa sa ngilit nga kamatayon samtang natulog.
Gipost ni Ymanuel Demegillo, usa ka nurse nga taga United Kingdom, ang abilidad sa iyang anak sa pagresponde kaniya sa dihang giatake og hypoglycemia kon pagubos sa blood sugar.
Makita usab sa maong video nga nabalaka ug naghilak ang 2 anyos nga batang babaye kansa giilang si baby Zab human nga wala nakamata ang amahan.
Gani , makita sa maong video nga gisulayan pa niini ang iyang amahan sa pagpukaw.
Human ang pipila ka segundo, nakasabot kini nga giatake ang iyang amahan og nagdali-dali sa pagkuha og tambal nga glucose tablets.
Maayo na lamang nga gitudluan kini sa iyang ginikanan og unsaon pagresponde ang iyang amahan.
Alang ka Yman, dako ang impluwensya sa matag ginikanan ngadto sa ilang mga anak gumikan mao kini ang maghulma ug magdala kanila sa ilang pagdako.
Nagpamatuod lamang kini nga panghitabo og unsa matud pa kamaayo ang Ginoo nga mihatag og giya sa iyang anak.