Nakit-an nga patay ang usa ka 45-anyos nga lalaki, mag-uuma ug residente sa Sitio Man-onda, Barangay Dominorog, Kalilangan, Bukidnon, human kini gidunggab niadtong Marso 23, 2026, sa alas 8:30 sa gabii sa Purok 3, Barangay San Vicente Ferrer, Kalilangan.
Sumala sa mga otoridad, dali silang miadto sa lugar human madawat ang report ug didto nakit-an ang lawas sa biktima sa kilid sa farm road nga adunay daghang samad dinunggaban sa dughan.
Base sa inisyal nga imbestigasyon, gikabutyag nga alas 8:00 sa gabii, ang biktima mibiya sa balay sa iyang agalonr aron mobalik sa iyang tulda. Paglabay sa 30 minutos, nakit-an sa laing lalaki nga wala nay kinabuhi ang lawas sa biktima. Gidala ang lawas ngadto sa balay tambalanan apan gideklarar nga dead by the duty physician.
Padayon ang imbestigasyon sa kapulisan aron matino ang motibo ug mailhan ang suspek sa maong insidente.