₱35,360 nga droga nasakmit gikan sa mekaniko sa buy-bust sa Valencia City, Bukidnon

Nadakpan ang usa ka mekaniko human nasikop sa buy-bust operation sa Purok 4A, Barangay Poblacion, Valencia City sa milabayng adlaw. Giila ang suspek sa alyas “Makoy,” 38 anyos, ug nasakmit gikan kaniya ang gituohang iligal nga droga nga nagkantidad og ₱35,360. Nakakustodiya na siya sa Valencia City Police Station ug pasakaan og kaso ubos sa RA 9165.