Nagtuo ang Department of Health (DOH) nga posibleng mapatuman ang zero balance billing di lamang sa mga tambalanan sa Department of Health (DOH) apan lakip na sa usab ubang balay tambalanan sa tibuok nasud.
Atol sa pagdungog sa Senate Committee on Health and Demography, miluwat si Health Secretary Ted Herbosa nga ilang gihimo ang tanan aron madugangan ang PhilHealth benefit package, nga makatabang sa pagpatuman sa nasangpit nga polisiya.
Matud sa Secretary, ang kamandoan ni Presidente Ferdinand Marcos Jr., mao nga kinahanglan nga ipatuman ang zero balance billing sa tanang balay tambalanan sa DOH, basic man o ward accommodation.
Gani, dugang pa niini, sa wala pa ipahibalo sa Presidente ang zero balance billing, ila nang gi-pilot ug napatuman na ang programa sa mga balay tambalanan sa DOH.
Ang Zero Balance Billing (ZBB) usa ka programa sa PhilHealth nga nalakip sa National Health Insurance Program (NHIP).
Tumong sa maong programa nga masiguro nga ang mga pasyente hilabi na ang mga kabus nga pasyente nga dili na maglisod sa pagbayad sa ilang mga bayronon kung sila magpaalim sa balay tambalanan.