Misaad si senator-elect Erwin Tulfo nga sa higayong hingpit na mamahimong balaod ang anti-dynasty law, mukanaog kini sa pwesto isip senador.
Gani, awhagon matud sab niini ang iyang mga paryente nga mga politiko sama sa iyang bayaw ug pag-umangkon nga mukanaog sab sa higayong mamahimo kining balaod.
Sumala pa suportado niini ang gisugyot nga lakang ug gibutyag nga duna nay indibidwal nga nagplano sa pagduso niini ug gikinahanglan gayod, mamahimo kinin mag-co-author aron di na matud pa magdoble ang sugyot balaudnon.
Misaad kini nga paningkamutan niining awhagon ang iyang pamilya nga mukanaog sa pwesto ug dili musundog sa laing pamilya.
Kahinumduman nga niadtong bulan sa Pebrero, si Tulfo ug si kanhi Senador Panfilo Lacson, nagpasabot sa kakulangon sa pagduso sa balaod ug gibasol ang Kongreso sa dili paglihok ug paghatag og tagad nga matubag ang maong isyu.
Sa milabayng resulta nga gipagula sa COMELEC sa bag-uhay lang natapos nga bugnong lugaynon, naangkon ni Tulfo ang ika-upat nga pwesto sa senatorial race nga dunay 16,815,945 nga mga boto base sa partial ug unofficial nga ihap.
Samtang ang igsoon niini nga si Sen. Raffy Tulfo, nagserbisyo usab karon sa Senado, ug kini ang nanguna sa mga komite nga nag-atiman sa mga migrante nga mamumuo.