Gipahibalo sa Civil Aeronautics Board (CAB) ngadto sa publiko nga posibleng mukunhod ang pamasahe sa eroplano sugod sa buwan sa Hunyo. Gipamubo sa (CAB) ang fuel surcharge ngadto sa Level 3, gikan sa Level 4 karong buwan sa Mayo.
Gipasabot sab niini nga ang anaa ubos sa Level 3 nga mga pasahero sa domestic flights magdugang lamang og bayad nga P83 hangtod P300, samtang sa international flights magbayad og P273.36 hangtod P2,032.54.
Mas ubos kini tandi sa surcharge sa Level 4 nga nagkantidad og P117 hangtod P342 alang sa domestic flights ug P385.70 hangtod P2,867.82 para sa international flights. Dugang pa sa maong ahensiya nga ang fuel surcharge usa ka dugang nga bayranan nga gipatuman sa mga airline company aron makatabang sila sa pag-abaga sa gasto sa gasolina.
Nagpasabot nga lahi kini sa base fare o aktual nga pamasahe nga gibayran sa mga pasahero.