Gikumpirma ni Defense Secretary Gilberto Teodoro nga mutabang ang Estados Unidos sa relief ug rescue efforts sa Pilipinas sa padayon nga kusog nga pag-ulan ug grabe nga pagbaha nga nakaapekto sa daghang lugar sa nasud.
Matud ni Teodoro, gisugdan na ang mga EDCA sites (Enhanced Defense Cooperation Agreement) nga gamiton isip staging points o tiniguman sa mga kagamitan ug personel nga gamiton sa mga search ug relief missions.
Mihisgot kini human sa ilang pulong ni Presidente Ferdinand Marcos Jr. ug U.S. Secretary of Defense Pete Hegseth, diin gikumpirma sa Amerika pinaagi sa Indo-Pacific Command nga sila motabang sa Pilipinas sa pagpanghatag og tabang ug pagluwas sa mga katawhang naapektuhan sa baha.
Gibutyag usab niini nga nag-una ang Crisis Action Center sa INDOPACOM ang sa pagdeploy og tabang samtang ang AFP ang mopadayon sa operasyon sa lokal nga lebel.
Tumong sa panaghiusang aksyon mao ang pagluwas sa mga nalambigit sa baha, ug pagdalit og pagkaon ug tabang ngadto sa mga apektado nga nakahikling sa mga evacuation centers.
Gisulti usab ni Secretary Teodoro nga uban pa nga kaalyadong nasud sa Pilipinas ang mipadayag nga andam usab motabang, lakip na sa paghatag og relief goods, pinansyal nga tabang, ug suporta sa medisina.