Giisip ni US President Donald Trump nga mabungahon ang ilang panaghisgot ni Russian President Vladimir Putin ug sa iyang ambassador nga si Steve Witkoff.
Anaa karon sa Moscow si Witkoff aron kumbinsihon si Putin nga motuman sa ceasefire nga gisugyot sa US aron matapus na ang gubat tali sa Russia ug Ukraine.
Ang maong panagkita natigayun human sa paghatag ni Trump og deadline sa Russia nga mouyon sa ceasefire.
Kon dili kini matuman, ipahamtang sa US ang mas bug-at nga mga sanctions.
Nakigpulong usab si Trump sa pipila ka kaalyadong nasud sa Europa, diin nagtuo sila nga ang kagubot tali sa Russia ug Ukraine kinahanglan nang mahunong.
Kahinumduman nga mibahad si Trump sa Russia nga ilang hatagan og taas nga taripa ug bug-at nga sanctions ang ilang mga produkto.