Gibutyag sa 21 anyos nga biktimang si Justice kansa gitripan og 3 ka mga batan-on sa Freedom Park, Malaybalay City, Bukidnon human igo lamang kining nagbaktas pauli niadtong Mayo 14 ning tuiga.
Sumala pa niini, sa wala pa siya gikulata, gitripan matud pa sa mga suspetsado ang mga iro, ug gipangsipa pa kini, nga posibleng timailhan sa walay klaro nga tumong,apan pagpasiugda lamang og gubot, saysay ni Justice.
Nagpadayon ang imbestigasyon sa kapulisan sa Malaybalay City, Bukidnon, Gipanghimakak sa biktima nga si Justice nga wala siya’y gihimong daotan ug kalit lang kining gitabangan og kulata sa tulo ka wala mailhing batan-on samtang nagbaktas.
Samtang sa pikas bahin, mitanyag usab og 20,000 pesos nga reward ang newly elected councilor nga si Jayson Chad Ayala sa makatudlo sa mga suspek.
Kahinumduman, nga una nang mitanyag og 25,000 pesos nga ganti si Ayala sa makatudlo usab sa tulo ka lalaking nangulata atol sa adlaw sa eleksyon.
Nanghinaot karun ang biktimang si Justice nga aksyonan dayun sa kapulisan ang sunod-sunod nga nahitabong pagpangulata ning syudad.Apan, gipaniguro ni Malaybalay City Mayor Warren Pabillaran nga way angay kabalak-an human sa maong panghitabo.