Gibarugan sa usa ka testigo nga si Julie “Dondon” Patidongan nga mitugot si celebrity Gretchen Barretto sa desisyon sa grupo nga gukdon ang mga sabungero nga giakusahan sa pagpanikas.
Sa usa ka pamahayag’ gibutyag ni Patidongan nga anaa si Barretto sa paanagtigum kauban sa mga miyembro sa giilang “alpha” group nga ginapanguluhan sa negosyante si Atong Ang.
Matud ni Patidongan, nga ang grupo nakauyon unsay angay buhaton mga sabungero ug si Barretto subling mitaas sa iyang kamot isip pagsuporta sa plano sa grupo.
Usa matud pa kini sa mga miuyon sa maong lakang gumikan imposibli nga musupak si Barreto gumikan kanunay sa kiliran ni Mr. Atong Ang sa mga panagtigum matud ni Patidongan.
Ang maong mga pahayag kabahin sa padayon nga imbestigasyon sa pagkawala sa mga sabungero sa nagkalain-laing lugar sa nasud. Wala pa muhatag og opisyal nga pahayag si Gretchen Barretto kabahin sa maong alegasyon.
Samtang giawhag ni Alyas Totoy si Gretchen Barreto nga mudapig na lamang sa kamatuoran ug mutestigo usab human hingpit nga gihimakak sa aktres nga wala kini kalambigitan sa maong krimen.
Kabahin niini, nanawagan si Alyas Totoy sa administrasyong Marcos Jr, nga hingpit kining hatagan og pagtagad aron mahatagan og hustisya ang kamayon sa mga biktimang sabungero.