Gikadismaya sa mga supporters ni former President Rodrigo Duterte ang desisyon sa International Criminal Courts-Appeals Chamber human gi-reject ang hangyo sa interim release nga giapela sa kampo niini.
Ang maong desisyon gihimo sa usa ka unanimous decision o ang tanang huwes sa maong korte nagkahiusa aron ibasura ang maong apela.
Sumala pa nga nakurat ug napungot ang grupo sa desisyon nga magpabilin si Duterte sa kustodiya sa ICC samtang nagpadayon ang kaso sa crimes against humanity.
Ang mga supporters miingon nga kini usa ka porma sa politikal nga atake sa kanhi pangulo ug nag-awhag sa ilang mga kaubanan sa pagpadayon sa suporta.
Matud ni Atty. Manuelito Luna former Presidential Anti-Organized Crime Commission (PAOCC), naglaom kini nga mahatagan og higayon nga makagawas sa pasilidad sa International Criminal Court ang kanhi presidente gumikan sa kahimtang niini. N
anawagan usab kini sa tanang mga taga-suporta sa kanhing lider sa nasud nga magpabiling kalmado aron malikayan ang dugangbkagubot.
Bisan pa man sa pagkadismaya, gihingusgan sa mga lider sa supporters nga kinahanglan pa usab respetohon ang proseso sa hustisya ug ang international law, bisan pa og ilang gitan-aw nga dili patas ang desisyon.
Sa katapusan, gibasol ni atty. Luna ang administrasyon ni Presidente Ferdinand Marcos Jr., sa pagtugot nga ipadala sa The Hague si FPRRD aron didto mabilanggo inay nga dinhi sa nasud sa Pilipinas sanglit adunay tukmang basehan aron kini pahamtangan og silot.
Samtang, gikalipay sa mga pamilya sa mga biktima sa war on drugs ang maong balita. Giipadayag ni Atty. Gilbert Andres, usa ka ICC-accredited lawyer, ang ilang kalipay sa maong desisyon.
Matud niini, ila nang gilauman ang maong resulta apan mas makalipay madungog mismo ang pagbasa diin gitan-aw kini nga sinugdanan sa kadaugan alang sa tawhanong katungod sa mga biktima sa kampanya kontra droga.