Gikabak-an ni Senate Committee on Finance chairman Sen. Sherwin Gatchalian nga mahulog sa reenacted budget ang 2026 National Budget kon magpadayon ang pagkalangan sa pagtuki sa gisugyot nga pondo.
Gikatakda nga ipahigayon niadtong Lunes ang period of amendments niini, apan nausab ang schedule karong adlawa Disyembre 2, tuig 2025 gumikan sa natigayong sunog sa senado sa milabayng adlaw.
Target nga maaprubahan sa ikaduhang pagbasa ang gisugyot nga budget sa Disyembre 3, ug ang ikatulong pagbasa sa Disyembre 9.
Gipahibalo sa senador nga gitakda usab ang bicameral meetings sa Disyembre 11, 12, ug 13, nga i-livestream aron masiguro ang transparency sa ilang pagsusi sa pondo.
Gipasabot usab sa senador nga hugot ang timeline alang sa pagpasar sa national budget, ilabi nga target nilang pirmahan kini sa Presidente karong umaabot nga Disyembre 29.
Bisan pa niana, gipasalig sa senador nga anaa gihapon sa husto ang dagan giplanong iskedyul.
Samtang sa higutanang budget, gitawag ni Senate Committee on Finance chairman Sen. Sherwin Gatchalian nga “unrealistic” o dili tinuod nga igo ang P500 nga budget alang sa Noche Buena nga gilatid sa Department of Trade and Industry (DTI).
Matud ni Gatchalian, dili igo ang P500 alang sa usa ka pamilya nga adunay lima ka miyembro, ilabi na kung isalog nga espesyal nga selebrasyon ang Noche Buena.
Dugang pa niini, bisan ang pinaka-basic nga pagkaon lisod na kaayo ipasgo ang lima ka gatos pesos nga kantidad, ilabi na kung lakip ang karne sa palaliton.
Nagpaambit usab ang senador sa iyang opinyon kabahin sa maong budget nga gimugna sa DTI.
Gisulti niini nga bisan ang presyo sa mga budget meal sa fast-food dili ikatandi sa tinuod nga gasto sa pagpangandam para sa Noche Buena.