Gikwestiyon ni Senador Rodante Marcoleta ang credentials ni Marcos Lacanilao human kini gitudlo nga bag-ong chief sa Land Transportation Office (LTO).
Atol sa plenary deliberations sa LTO, gitumbok ni Marcoleta nga lakip si Lacanilao sa kaubanan ni kanhi presidente Rodrigo Duterte sa biyahe niini paingon sa The Hague, Netherlands niadtong bulan sa Marso.
Matud ni Marcoleta usa kini ka envoy for transnational crime sa dihang giaresto ang kanhi presidente.
Gidugang sa senador nga dili kini haom sa bag-ong posisyon nga gitugyan kang Lacanilao.
Apan sa pikas bahin, gipadayag sa usa ka senador nga si JV Ejercito nga si Lacanilao usa ka transport advocate ug kabahin kini sa iyang credentials sa pagkatudlo sa kasamtangang posisyon isip hepe sa Land Transportation Office (LTO).