Gipasabot ni Senate President Chiz Escudero nga usa na lamang ka impeachment article ang pagabobotohan sa Senado batok kang Bise Presidente Sara Duterte human giatras sa prosekusyon ang tulo ka artikulo sa reklamo.
Ang nahibiling artikulo mao ang may kalabotan sa giingong unexplained o ill-gotten wealth ni Duterte.
Matud ni Escudero, ang prosekusyon mismo ang mihukom nga dili na ipadayon ang tulo ka artikulo, busa dili mapugos sa impeachment court ang mga prosecutor nga ipadayon ang ilang presentasyon sa ebidensya.
Gibutyag usab ni Escudero nga dili na mahimong ibalik sa prosekusyon ang mga artikulong ilang giatras, nga iyang gitandi sa lagda sa chess nga dili na mahimong usbon ang lihok human kini buhaton.
Samtang giila ni Escudero nga adunay gasto ang pagpadayon sa impeachment proceedings, apan matud niya, mas masayang ang kuwarta kon ipadayon pa ang pagpresentar sa ebidensya bisan wala nay desisyon nga pagabuhaton ang Senado kalabot sa giatras nga mga artikulo.