Rice smuggling sa nasud, naghitak ug angay imbestigahan! – PBBM

Gibutyag ni pangulong Ferdinand Marcos Jr., nga nalambigit ang mga opisyal sa kagamhanan sa mga kaso sa smuggling nga nahitabo sa nasud.

Matud pa sa presidente, usa sa mga gisalmutan sa mga opisyales mao ang rice smuggling nga maoy usa sa mga isyu sa Pilipinas ug dakong problema nga ginaatubang sa kadaghanan hinungdan sa kawad-on inubanan sa taas nga presyo sa bugas.

Sigon sa pangulo, ang estado o kahimtang sa nasud apektado sa tumang importasyon sa mga produkto, apan wala gitan-aw ang kapasidad ug kahimtang sa mga mag-uuma.

Sa laktud nga istorya, wala kini gidumalaan og sakto ug kaugalingong interes lamang nahimong sentro sa mga lakang nga nilungtad sa mga milabayng tuig diin walay klarong sistema sa produksiyon ang nahitabo.