Gisalikway ni Retired Regional Trial Court Judge ug kasamtanang chairman sa Philippine Charity Sweepstakes Office (PCSO) Felix Reyes ang pagkalambigit sa kaso sa mga nahahaw nga mga sabungero.
Lakip sa hingpit nga gihimakak niini ang mga akusasyon nga pag-areglo sa pipila ka kaso nga may kalambigitan sa pag- pabor sa negosyanteng si Atong Ang.
Ang maong akusasyon mibutho human kini gilambigit sa mga imbestigasyon sa kontrobersyal nga pagkawala sa mga sabungero sa nasud human gibutyag Julie Patidongan alyas Totoy .
Matud sa maong huwes, walay kamatuoran ang mga pasangil ug iya kining giisip nga usa ka tinuyo nga pagdaot sa iyang dungog.
Naghangyo usab siya nga respetohon ang legal nga proseso ug ang prinsipyo sa “presumption of innocence.”
Ang kampo ni Atong Ang, sa laing bahin, misalikway usab sa maong mga alegasyon, ug miingon nga andam silang mutabang sa imbestigasyon aron mapamatud-an nga walay kalabutan ang ilang grupo sa insidente.
Padayon karon ang imbestigasyon sa mga otoridad aron masuta ang tinuod nga nahitabo sa kaso sa mga nawawalang sabungero.