Gikatakda nga mubisita sa Cambodia si Presidente Ferdinand Marcos Jr. ug ang First Lady nga si Louise Araneta-Marcos gikan sa Setyembre 7 hangtod 9 ning tuiga.
Matud sa Department of Foreign Affairs kon (DFA), ang maong state visit subay sa pagbisita ni His Majesty Preah Bat Samdech Preah Boromneath Norodom Sihamoni, ang hari sa Cambodia nganhi sa nasud.
Dugang pa, tagbuon kini sa Acting Head of State ug Senate President Samdech Akka Moha Sena Padei Techo Hun Sen ug sa asawa niini nga si Samdech Kittiprittbindit Bun Rany Hun Sen.
Magsugod usab si Presidente Marcos og bilateral meeting uban ni Cambodian Prime Minister Samdech Kittiprittbindit Bun Rany Hun Sen.
Gilauman nga hisgutan sa maong panagtigom ang mga mayor nga sektor sama sa agrikultura, higher education, turismo, ug cultural cooperation tali sa duha ka nasud.
Magkahiusa usab kini sa roundtable meetings uban sa mga business leaders gikan sa Cambodia ug Pilipinas alang sa dakong kauswagan.
Makigkita usab ang presidente sa mga Filipino community sa Cambodia diin gibana-bananga adunay mga 7,000 ka mga Pilipino nga nagpuyo ug nagtrabaho sa nasud sa Cambodia.
Gidugang pa sa DFA nga ang maong pagbisita ni Marcos mao ang ikaduhang imbitasyon gikan kang Cambodian Prime Minister Samdech M