Gipahigayun ang inaugural mass sa St. Peter’s Square isip opisyal nga pagsugod sa pag-alagad ni Pope Leo XIV isip bag-ong lider ug Santo Papa sa Simbahang Katoliko.
Ang maong misa gitambungan sa 250,000 ka mga indibidwal gikan sa nagkalain-laing mga nasud, og mahimo kini nga usa ka mahinungdanon nga seremonya isip unang pormal nga misa sa bag-ong Santo Papa.
Sumala sa Vatican, alang sa luwas ug hingpit nga seguridad sa misa ni Pope Leo XIV, gipakatag ang 5,000 ka mga security personnel kauban ang elite Vatican security nga Swiss Guards.
Gilauman usab sa misa nga musalmot sila US Vice President JD Vance, Ukranian President Volodymyr Zelensky, French Prime Minister Francois Bayrou, Canadian Prime Minister Mark Carney, Italian President Sergio Mattarella ug si Prime Minister Giorgia Meloni.
Gilauman usab ang British Royal Family nga panguluhan ni Duke of Edinburgh nga si Prince Edward King kauban sila King Philippe, Queen Mathilde sa Belgium, ug King Felipe VI at Queen Letizia sa Espaniya.