Gikumpirma sa Malacañang karong adalawa nga gitangtang na sa puwesto ni Pangulong Ferdinand Marcos Jr. si Police General Nicolas Torre III isip Chief sa Philippine National Police (PNP).
Sa pagkakaron wala pa gipadayag sa publiko ang hinungdan, apan ang maong desisyon gikuhaan og reaksyon gikan sa mga sektor sa goberno ug katawhan nga nagtan-aw sa maong lihok isip kabahin sa mas lawom nga reorganisasyon sa liderato sa kapulisan.
Matud ni Department of the Interior and Local Government (DILG) Secretary Jonvic Remulla, si Police Lieutenant General Melencio Nartatez Jr. ang napiling muhulip kang Gen. Torre.
Si Nartatez usa sa mga senior officer sa PNP nga adunay halapad nga kasinatian sa law enforcement ug intelligence operations, ug gisaligan nga magpadayon sa mga reforma sulod sa organisasyon.
Subay sa maong desisyon, gilauman nga ipadayon ni Gen. Nartatez ang mga kampanya batok kriminalidad, korapsyon, ug illegal nga droga, nga nagpabiling prayoridad sa kasamtangang administrasyon.
Giduso usab ang pagpalig-on sa internal nga disiplina sa PNP ug pagpataas sa integridad ug kredibilidad sa kapulisan sa mata sa publiko.
Sa pagkakaron, andam na ang turnover ceremony nga ipahigayon sunod semana uban ang paghatag og direktiba sa mga unit commanders nga suportahan ang bag-ong liderato.
Samtang nagpaabot pa sa dugang klarong impormasyon ang publiko kabahin sa pagtangtang kang Gen. Torre, nagpabilin nga lig-on ang pahayag sa Malacañang nga kini kabahin sa “organizational strengthening” sa PNP.
Samtang gihimakak sa kalihim nga walay nahitabong disagreement tali kang Torre sa pagkatangtang niini sa pwesto.