Gipahibalo ni nga magpundo ang administrasyong Marcos og record-breaking nga PHP113 bilyon nga subsidiya alang sa PhilHealth sa 2026, kini ang labing dako ug labing taas nga pondo alang sa Universal Health Care (UHC) sa kasaysayan sa nasud.
Ang maong kantidad naglakip sa orihinal nga sugyot nga PHP53.13 bilyon ug ang hingpit nga nabalik nga PHP60 bilyon, sumala sa direktiba ni Pangulong Ferdinand R. Marcos Jr. niadtong Septyembre nga ibalik ang napugngan nga pondo sa PhilHealth.
Matod pa ni Recto, klaro nga natuman sa 2026 budget ang saad sa Pangulo.
Dugang pa niini, nga pinaagi sa P113 bilyon nga pondo, dili lamang kini pagtuman sa saad kondili mas gilabwab pa gyud kini.
Gisiguro usab sa Pangulo niadtong Septyembre ang pagbalik sa P60 bilyon nga pondo sa PhilHealth aron mapalapdan pa ang mga serbisyo sa ahensya.
Sumala ni Recto, direkta nga makapahimulos ang indigent families, senior citizens, PWDs, ug ubang vulnerable groups sa mas gipalapdan nga benepisyo sa PhilHealth nga dili makadugang og gasto o kabug-aton sa mga tawo.
Gipasalig usab sa Department of Budget and Management ang paspas ug transparent nga pagpagawas sa pondo aron dali mapatuman ang mga benepisyong makatabang sa pagkunhod sa out-of-pocket expenses.
Dakong bahin sa maong alokasyon maggikan sa sin tax revenues gikan sa ilimnong makahubog ug sigarilyo, mga pondo nga gibalhin pagbalik aron masuportahan ang serbisyo panglawas.