Dili na matud pa magapil-apil si Pang. Ferdinand Marcos, Jr. sa natad sa politika.
Gani, gibutyag niini nga buot niining tapuson ang iyang termino human ang 3 ka tuig diin matapos sa tuig 2028.
Sa 3 ka tuig nga nabilin sa termino sa pangulo, dili matud pa niini buot nga magapil-apil sa politika ug magpokus na lamang sa iyang trabaho isip pangulo sa nasud.
Gumikan niini, naglaom ang pangulo nga mamahimong maayo, hapsay ug malinawon ang resulta sa eleksiyon, apan ning panahona human ang bag-ohay lang natapos nga bugnong lugaynon, buot na lamang niini magpokus sa iyang trabaho ug ipadaplin ang politika.
Gipasalamatan sab sa presidente ang media human ang way puas nga ‘coverage’ sa parehong headquarters nga ginagamit niini sukad pa niadtong tuig 2022 samtang nangampanya kini isip pangulo sa nasud.
Sa pikas bahin, giawhag sab sa pangulo ang tanang magsisibya nga mutabang sa pagpahibalo sa tinuod nga trabaho sa media ug likayan na lamang ang higsutanang politika gumikan makaapekto matud pa ang politika sa ‘nation-building’.
Ang maong panawagan sa pangulo gipaguwa gumikan sa nagkaduol nga impeachment trial ni Vice President Sara Duterte karong bulan sa Hulyo sa dihang mubalik na ang senado karong Hunyo 2 ning tuiga human nga matuki ang ‘articles of impeachment’.
Sa pikas bahin, gianunsiyo sa bise presidente nga sa langyaw nga kanasuran kini magselebrar sa iyang adlawng natawhan diini gikatakda kining mubiyahe sa sa The Hague Netherlands aron matud pa magpukos ug mahimamat ang mga Overseas Filipino Workers (OFW) lakip na ang pagsalmot sa mga rally nga ipahigayon sa mga supporters sa iyang amahan sa gawas sa International Criminal Court (ICC).
Sa katapusan matud pa ning bulan sa Mayo, gikatakda kining mubiyahe paingon sa Doha, Qatar aron matud pa kumustahon ang mga supporters nga napriso niadtong Marso 28 atol sa adlawng natawhan sa iyang amahan human matud pa nga wala nakakuha og permiso ang 17 ka mga Pilipino aron ipakita ang ilang suporta ug padayon ipanawagan nga hingpit ng buhian ug paulion sa nasud ang kanhing Pangulong Duterte human kining giaresto niadtong Marso 11 ning tuiga gumikan matud pa sa kasong Crimes Against Humanity human sa daghanang ihap sa mga namatay sa pagpatuman sa war on drugs campaign sa pangulo.
Mibutyag sab ang ikaduhang pangulo na buot niini og maduguong pagtaral sa higayong sugdan na ang pagtuki sa kasong gikaatubang niini, rason nga daw ‘bayolente’ si Duterte sigon pa ni Palace Press Officer Claire Castro