Walay plano si Presidente Ferdinand Marcos Jr. nga mobiya sa iyang pwesto.Kini tungod sa pamahayag sa iyang igsoong si Senador Imee Marcos nga naggamit matud pa ug droga ang presidente.
Sumala ni Communications Undersecretary Claire Castro, mga supporter lamang ni Bise Presidente Sara Duterte ang nanawagan nga mukanaog ang presidente aron siya ang mopuli.Dugang pa ni Castro nga hugot ang pagtrabaho sa presidente alang sa kaayohan sa nasod. Ang maong alegasyon ni Sen. Imee Marcos dugay nang natubag ug napasabot sa apan gibalik balik lang kini karon tungod kay wala nay lain isyu nga ibato batok kaniya.
Sa pikas bahin, gipadayag sa Malacañang nga dimayado si President Ferdinand “Bongbong” Marcos Jr. sa akusasyon ni Senator Imee Marcos nga naggamit og ilegal nga droga ang miyembro sa First Family, diin si Palace Press Officer Usec. Claire Castro miingon nga dili maayo nga ang igsuon mismo sa Presidente ang nagpasiugda sa maong bakak.
Samtang wala usab tagda sa Malacañang ang publikong hagit ni Sen. Imee nga ipa-hair follicle drug test ang First Family, human kini mosulti sa nga andam siya mo-DNA test samtang nag-akusar kang House Majority Leader ug Ilocos Norte Rep. Sandro Marcos sa pagpakatap og istoryang dili siya tinuod nga igsuon sa Presidente.