Bisan pa pabor sa daghang mga kongresista nga buhion ang Quad Committee sa House of Representatives, si Bukidnon Representative Keith Flores niinsister nga kinahanglang madungog una ang tingog sa mayoriya kon gusto nilang ibalik ang gamhanang komite. Matod ni Flores, ang QuadComm gimugna sa 19th Congress ug awtomatiko nga natapos sa pagsulod sa 20th Congress.
Si Flores maoy bag-ong chairman sa House Committee on Dangerous Drugs, ang komitiba nga gipangulohan kaniadto ni Surigao del Norte Rep. Robert Ace Barbers.Si barbers nagsilbi nga lead chair sa upat ka hiniusang komite.
Bisan og matod niya daghan na og nahimo ang komitiba, apan kinahanglang tagdon una ang tingog sa mayoriya sa mga magbabalaod kon matukod pag-usab ang panagtambayayong sa upat ka House Committee.Samtang, isip bag-ong House Dangerous Drugs Committee chair, si Rep Flores nagtuo nga lig-on ang kampanya sa kasamtangang administrasyon batok sa ilegal nga druga.
Nangatarungan ang kongresista nga mahimong masubay ang mga dagkong suppliers, sama niadtong bag-o lang na intercept sa sunodsunod nga operasyon sa kapulisan.girekomenda usab sa magbabalaod nga ang kapulisan, gawas sa mga suppliers ug dagkong drug personalities, target usab sa mga street level drug personalities nga giingong nalambigit sa pagpamaligya og druga.