Gipahayag ni Pangulong Ferdinand “Bongbong” Marcos Jr. nga ipadayon hangtod sa tuig 2026 ang P300 bilyon nga pondo alang sa mga flood control project, basta adunay igo nga mga siguridad o safeguards.
Atol sa pagbisita niini sa Gonzaga, Cagayan, gipasiugda ni Pangulong Marcos ang kamahinungdanon sa maayong proposal, program of work, ug pagdawat sa lokal nga panggamhanan isip bag-ong sumbanan sa pagpatuman sa mga proyekto.
Gisiguro sa pangulo nga dili na mausab ang mga nangaging pag-abuso sa paggamit sa pondo alang sa mga imprastruktura.
Matud sa presidente, ang gobyerno mao lamang ang tigbantay sa kuwarta sa katawhan ug kini kinahanglan gamiton sa hustong paagi alang sa kayuhan sa tanan.
Gimando usab niini ang pagbalhin sa P255.5 bilyon nga pondo gikan sa DPWH paingon sa mga prayoridad nga programa sa ubang ahensya sa gobyerno.