Mikunhod gamay ang presyo sa lana sulod sa unang tulo ka adlaw sa trading sa global nga merkado human sa kasabutan sa ceasefire tali sa Estados Unidos ug Iran.
Gikan Abril 6 hangtod 8, natala ang pagkunhod sa presyo sa diesel sa mga ginakuha-an sa suplay sa Pilipinas.
Kung magpadayon kini, posible nga adunay rollback nga P2.50 hangtod P3.40 kada litro sa diesel.
Samtang sa gasolina, gilauman nga mokunhod og mga P1.00 kada litro.
Sa miaging pamahayag, sumla ni Energy Secretary Sharon Garin nga dili angay lauman sa mga Pilipino nga mobalik dayon sa pre-war levels ang presyo sa petrolyo bisan pa og mahunong ang kagubot sa Middle East.
Gipasabot niini nga nagpabilin gihapon nga taas ang delivery costs ug adunay mga nadaot ang mga oil infrastructure nga nakaapekto sa supply chain.