Gipangandaman na karon sa lokal nga kagamhanan sa syudad sa Malaybalay, kauban ang Provincial Government sa Bukidnon, ang paghost sa lalawigan umaabot nga Northern Mindanao Regional Athletic Association kon NMRAA Regional Meet 2026 nga ipahigayon sa bulan sa Marso.
Base sa nakalap nga impormasyon, aktibo na ang preparasyon sa mga pasilidad, lakip na ang bag-ong swimming pool sa Bukidnon Sports Complex nga nahimutang sa Barangay Laguitas, Malaybalay City, diin gisugdan na ang pagbutang og tubig isip kabahin sa testing sa pasilidad.
Samtang sa aspeto sa pinansyal nga suporta, gipadayag nga ang pondo nga gamiton sa Provincial Government sa Bukidnon kuhaon gikan sa Special Education Fund kon SEF, kaabag ang SEF counterpart sa mga city ug municipal local government units sa tibuok probinsya.