Girekomenda sa panel of the Ombudsman prosecutors sa Sandiganbayan ang No Bail batok sa kaaong giatubang ni kanhi Ako Bicol Representative Zaldy Co gumikan sa mga kontrobersiya sa mga flood control project.
Gisulti sa Ombudsman gikonsidera na niini nga dili na makapiyansa ang kanhing kongresista. Matud ni assistant of the Ombudsman Mico Clavano, mao kini ang rekomendasyon sa kasong Malversation batok kang Co.
Dugang pa sa opisyal, subay kini sa nakasulat sa balaod.
Gibutyag usab sa Ombudsman nga nagpasaka kini og mosyon alang sa ‘urgent raffle’ sa korte ug mihangyo usab sa paspas nga pag-isyu og ‘warrant of arrest’ ug ‘hold departure order’ batok sa kanhing kongresista, samtang gilakip sa kriminal nga kaso dili lamang si Ako Bicol Party-list Rep. Zaldy Co.
Lakip usab ang pipila ka opisyal sa DPWH Region IV-B ug ang board of directors sa Sunwest Corporation, nga giakusahan sa Malversation of Public Funds through Falsification of Public Documents ug paglapas sa Section 3(e) sa RA 3019, ug dugang usa ka kaso ni Co ilalom sa Section 3(b) sa RA 3019 tungod sa pagdawat og dili angay nga pabor.
Kini may kalabotan sa maanomaliyang proyekto sa Road Dike sa duha ka Tubig River sa Naujan, Oriental Mindoro, base sa DPWH inspection nga nagpakitang substandard ang gigamit nga materyales.
Samtang sa pikas bahin, nagtuo ang usa ka law expert nga adunay dagkong personalidad nga nagpaluyo sa kanhing mambabalaod nga si Zaldy Co human kini nagpagawas og mga rebelasyon batok kang presidente Ferdinand Marcos Jr., ug kanhi speaker Martin Romualdez.