Mopahigayon ang Estados Unidos og lain-laing mga paghandom sa ika-24 nga anibersaryo sa Septiyembre 11, 2001 nga pag-atake sa mga terorista.
Ang maong nga mga pag-atake nakapatay sa 2,977 ka mga tao sa World Trade Center sa Manhattan, The Pentagon sa Arlington, Virginia ug sa Somerset County, Pennsylvania.
Ang tinuig nga seremonya sa paghandom ipahigayon sa 9/11 Memorial sa Lower Manhattan.
Samtang, ang New York City Fire Department (NYFD) maghandom usab sa 39 ka mga miyembro nga nagsakit ug namatay tungod sa kakapoy sa walay hunong nga rescue operations kaniadto.
Adunay usab usa ka seremonya sa pagpatingog sa kampana ang ipahigayon sa Garden of Reflection sa Bucks County, Lower Makefield, ang opisyal nga handumanan sa mga biktima sa Pennsylvania.
Ang Hartsville Fire Company magpahigayon usab ug flag memorial service sa York Road sa Warminster.
Ipahigayon usab niini ang pag-display sa 403 ka bandera sa Amerika atubangan sa fire station.
Ang mga bandera nagrepresenta sa 343 ka bombero gikan sa New York City, 37 ka opisyal sa New York Port Authority ug 23 ka opisyal sa New York Police Department nga namatay samtang nagluwas sa pipila ka mga biktima.
Gilauman usab nga mobisita si US President Donald Trump sa Pentagon alang sa paghatag pasidungog sa mga biktima.
Kahinumdoman nga gihi-jack sa mga terorista ang usa ka pampasaherong eroplano ug gibunggo kini sa World Trade Center Building samtang daghang mga pagsulay nga pag-atake sa mga terorista ang napakyas sa Pentagon.