Mga patayng lawas sa ga sabungero, dili lang sa Taal Lake nahimutang- PNP

Ginasuta na sa Philippine National Police ang mga lugar nga posibleng gikahimutangan sa kapin  100 ka mga patayng lawas sa mga nangawala nga sabungero.

Kasamtangang nagpadayon ang imbestigasyon sa kapulisan sa mga lugar aron matumbok ang gihimutangn sa mga biktima diin dili lamang sa Taal Lake matud  gitambog apan posible usab sa laing mga lugar nga gikabutyag sa mga testigo. 

Sigon ni PNP CHIEF Nicholas Torre lll, ang mga testigo miangkon nga gisunog matud pa ang pipila sa mga patayng lawas sa mga biktima ug ang uban gilubong sa yuta.

Sa pagkakaron nagdumili una ang hepe sa paghatag og detalye sa mga lugar aron masiguro ug dili makalusot ang mga suspek sa mga imbestigasyon ug kalihukan nga gipahigayon.