Gipadayag sa election watchdog Kontra Daya, nga labaw sa katunga sa mga party-list groups nga ang mga nagpapili atol sa Eleksyon 2025 wala nagrepresentar sa mga marginalized ug underepresented nga sektor.
Sa 156 ka party-list groups nga misalmot sa bugnong lugaynon, 86 niini o katugbang sa (55.13%) ang adunay koneksyon sa political dynasties, dagkong negosyo, militar o kapulisan, mga kaso sa korapsyon, ug mga adbokasiya nga kuwestiyonable. Gipunting ni Kontra Daya lead convenor Danilo Arao nga ang mga party-list groups sama sa 4PS, ACT-CIS, Duterte Youth, Ako Bicol, FPJ Bantay Bayanihan, Tingog Sinirangan, ug TGP adunay mga koneksyon sa mga political dynasties ug dagkong negosyo, nga nagpasabot nga dili sila tinuod nga nagrepresentar sa mga marginalized nga sektor.
Gipahimangnuan usab ni Arao ang mga botante nga susion ang tanang 10 pa ka nominado sa matag party-list group, dili lang ang top three, gumikan nga ang mga miyembro sa political dynasties lagmit gibutang sa ubos nga ranggo aron dili mabantayan.
Ang Kontra Daya nag-awhag sa publiko nga magpabiling alerto ug magbantay aron masiguro nga ang party-list system magpabiling tinuod nga representasyon sa mga marginalized ug underrepresented nga sektor.