Suportado sa Malacañang ang una nga joint military exercise tali sa Pilipinas ug Japan ubos sa Reciprocal Access Agreement (RAA).
Sumala ni Castro, ang maong kalihokan nagpakita sa tumong ni Presidente Ferdinand Marcos Jr. nga palig-onon ang kooperasyon alang sa kalinaw ug kalig-on sa Indo-Pacific region.
Matod pa ni Castro, dako kini’g tabang sa mga kasundaluhan kay makadugang kini’g kahibalo sa paspas nga pagresponde, ilabi na kung adunay kalamidad nga mahitabo sa nasud.
Sa pangutana kon makatabang ba kini sa isyu sa agresibong lihok sa China sa West Philippine Sea, matud ni Castro nga dili siya motubag kabahin niini ug iyang itugyan niya kini sa Department of Foreign Affairs (DFA).
Ang Doshin-Bayanihan 5-25 gitawag nga usa ka makasaysayang lakang alang sa mas lig-on nga implementasyon sa RAA, nga gipirmahan sa Pilipinas ug Japan aron palalomon ang defense cooperation tali sa duha ka nasud