Gikatakdang hisgutan sa mga kabinete ni presidente Ferdinand Marcos Jr., ang sugyot sa Department of Health kon DOH nga ipaubos sa national public health emergency ang nasud gumikan sa padayon nga pagtaas sa kaso sa human immunodeficiency virus kon (HIV).
Gipahibalo ni DOH Secretary Ted Herbosa nga ila nang giduso ngadto sa presidente ug kang Executive Secretary Lucas Bersamin ang memorandum aron mahatagan og pagtagad ang maong katuyoan.
Matud pa, aduna nay petsa nga nakatakda alang sa mahisgutan kon unsay angay nga buhaton sa mga opisyales nga may kalabutan sa problemang giatubang sa nasud kabahin sa panglawas.
Dugang pa niini, aduna nay gi andam nga mga lakang ang ahensya sa DOH kon madeklara na ang national public health aron makabsan ang pagtaas sa kaso sa HIV.