Gipalawman pa sa mga otoridad ang imbestigasyon human mnabawi ang kapin sa P20 milyones nga kantidad sa gidudahang illegal nga droga atol sa usa ka buy-bust operation nga gipahigayon sa hiniusang pwersa sa Philippine Drug Enforcement Agency (PDEA) Region 7, PNP Drug Enforcement Group 7, ug Naval Forces Central luzon.
Nadakpan ang suspek nga giilang si alyas “Ann,” 36-anyos, flower shop owner ug lumolupyo sa R. Rabaya Street, Barangay Cansojong, diin nahitabo ang maong operasyon.
Nakuha sa operasyon ang tulo ka pakete sa gituhuang shabu nga dili mumenos sa tulo ka kilo ang gibug-aton nga adunay street value nga P20.4 milyones.
Lakip sa narekober gikan sa suspek mao ang buy-bust money, duha ka smartphones, mga ID, ATM cards, ug mga transaction notes.
Giproseso na karon sa PDEA 7 Regional Office Laboratory ang nakumpiskang gidili nga droga alang sa tukmang disposisyon samtang padayon ang halapad nga imbestigaston aron masuta sa mag ototridad ang uban pang kakonsabo sa nasangpit ng suspetsado.