Mibutyag si PLTCOL Rogelio Pineda, Jr, Provincial Chief sa CIDG, nga usa sa ilang gitotokan ang mga flagship program sama sa “oplan pagtugis”, nga nagtinguha sa pagpangdakop sa mga wanted nga kriminal nga dunay outstanding warrants of arrest.
Kini nga programa dunay tumong sa pagpangita, pagsubay, ug pagdakop sa mga tawo nga miikyas sa balaod.
Lakip usab ang “oplan panlalansag omega”, usa ka kampanya nga gipangunahan sa Criminal Investigation and Detection Group (CIDG) sa Pilipinas, nga nagtinguha sa pagwagtang sa mga loose firearms ug private armed groups aron mapugngan ang krimen ug mapalig-on ang kalinaw sa nasud.
Ang operasyon naglakip sa mga lugar nga dunay taas nga insidente sa ilegal nga armas ug mga armado nga grupo. Kini nga flagship program miresulta sa pagkasikop sa giilang si Anthony M. Gayento, alias Gab/Jano, kanhi NPA opisyal nga nadakpan sa Impasug-ong, Bukidnon, Bukidnon.
Dugang pa niini, sumala ni Maj. Gen. Michele Anayron Jr., kini nga pagkasikop usa ka mensahe sa mga nahibiling NPA nga ang balaod magpadayon ug abri ang gobyerno sa pagbalik-loob sa nahabiling NPA alang sa kalinaw sa komunidad.