Gitawag ni Mamamayang Liberal Partylist Rep. Leila de Lima nga “transcandal in the history” ug usa ka porma sa syndicated corruption ang isyu sa korapsyon kalabot sa mga flood control projects sa nasud.
Matud ni De Lima, ang kadagkoan sa maong anomaliya nagpakita sa lawom nga pagkahugaw sa sistema ug nagkinahanglan og hingpit nga aksyon gikan sa bag-ong Ombudsman aron mapanubagon ang mga responsable.
Giapaambit usab niini nga dili na kini basta simpleng kaso sa pangwarta, kondili usa ka organisado ug sistematikong pagpanglimbong nga naggamit sa pondo sa katawhan alang sa personal nga interes o collusion kon usa ka klase sa conspiracy.
Iyang gihagit ang bag-ong Ombudsman nga magpaka-isog ug ipakita nga walay gipili o ginasalbar sa pagpangita sa hustisya ug aron ibalik ang pagsalig sa katawhan sa gobyerno .
Dugang pa ni De Lima, ang kaso usa ka oportunidad alang sa gobyerno nga ipakita sa katawhan nga seryoso kini nga tapuson ang isyu sa korapsyon ug pagpahiuli sa kredibilidad sa mga institusyon.
Iyang gipahimangnoan nga kon mapakyas ang imbestigasyon, mosamot lamang ang kawalay pagsalig sa publiko sa hustisya ug sa liderato sa nasud.
Samtang sa pikas bahin, gilantaw kini ni Former Presidential Anti-corruption Commissioner, Atty. Manuelito Luna nga adunay disbetana o kakulangon isip bag-ong Ombudsman.
Matud sa abogado, sa iyang personal nga panglantaw, supak kini sa pagtuboy kang kanhi Justice Secretary Remulla nga mupongko sa katungdanan isip Ombudsman.
Gipasabot niini nga iyang gilantaw ang integridad ni Remulla og dili ang ang iyang pagkatawo. Integrity isyu ang gitutokan sa abogado, lakip na ang mga kaso giatubang kaniadto sa kanhi kalihim.