Gikansela ang retrieval operations alang sa pagpangita sa patay lawas sa mga nawala nga sabungero.
Matud ni Department of Justice Assistant Secretary and Spokesperson Atty. Mico Calavano, gilaumang ugma pang adlawa maglunsad og operasyon ang mga otoridad gumikan magpahigayon usa sila og assessment sa Taal Lake aron maseguro nga mahimong luwas ang retrieval operations.
Samtang andam na usab ang mga kahimanan sa mga technical divers nga gamiton sa pagsuhid sa Taal Lake aron sugdan pagrekober sa mga patay’ng lawas sa mga sabungero.
Giplastar na kini sa Philippine Coast Guard Substation sa Batangas.
Gani, ayha matud pa sugdan ang retrieval operations, ipailawom matud pa una sa ‘briefing’ ang mga personahe sa Philippine Coast Guard (PCG), Philippine National Police Criminal Investigation and Detection Group (PNP-CIDG) ug Department of Justice (DOJ).
Kahinumdoman nga gibutyag ni alyas Totoy nga gipalabay matud pa ni Atong Ang ang 34 ka mga lawas sa mga nawala nga sabungero.
Matud ni Department of Justice Secretary Jesus Crispin Remulla, nga mao kini ang unang higayon nga dunay exploratory dive ug gikaingong kinahanglan ang hingpit mapping ug scheduling.
Gibutyag usab niini nga nangayo kini og dugang tabang sa nasud sa Japan diin kasamtang gipaabot pa ang tubag sa Japan labot sa ekipong posibleng ipahulam niini sa Pilipinas.