Mitanyag ang kanhi kapuyo ni kanhi Pangulong Rodrigo Duterte nga si Elizabeth Abellana Zimmerman-Duterte nga papuyuon kini sa iyang panimalay kung makagawas na kini aron mamonitor ang medikasyon niini.
Matud pa ni Davao City First District Rep. Paolo Duterte, nga wala matud pa giklaro ni Honeylet Avanceña, common-law wife ni FPRRD, kung kang kinsa nga titulo ang ibaligya.
Apan, wala kini problema gumikan dunay matud pa silay mga balay nga mahimong ulian sa amahan.
Kahinumdoman nga niadtong milabay nga mga adlaw mikaylap ang hulagway sa daang balay sa kanhing Pangulo online nga adunay nakabutang nga “For Sale”.
Sumala pa sa isa ka Kongregesta nga mibisita kay duterte sa detention facility sa International Criminal Court (ICC) sa The Hague, Netherlands, giingon nga gisulti gyud kaniya sa kanhi Presidente nga dako ang bili sa maong panimalay kaniya.
Tungod kay kini ang pinakaunang balay nga iyang napalit gamit ang iyang kaugalingong kwarta.
Tungod niini, dili siya gusto nga ibaligya kini bisan pa nga naa siya karon sa prisohan sa gawas sa nasud.