Padayon ang pagsaka sa mga apektadong lugar gumikan sa Tropical Depression Verbena samtang nagpaduol kini sa Caraga Region.
Sumala sa Philippine Atmospheric, Geophysical and Astronomical Services Administration (PAGASA), ang sentro sa bagyo anaa sa 205 ka kilometro habagatang-sidlakan sa Surigao City, Surigao del Norte, nga adunay maximum sustained winds nga 45 kilometro matagoras ug paghapak sa hangin nga moabot sa 55 kilometro matag oras.
Naglihok kini pa-kasadpan sa tulin nga 15 kilometro matag oras ug adunay gilapdon ang kakusog sa hangin hangtod 200 kilometro gikan sa sentro.
Tungod niini, nakaapekto ang Tropical Cyclone Wind Signal (TCWS) No. 1 sa daghang lugar sa Luzon, Visayas, ug Mindanao.   Â
Sa Luzon, apektado ang Occidental Mindoro, Oriental Mindoro, Romblon, amihang bahin sa Palawan (lakip ang Calamian, Cuyo, ug Cagayancillo Islands), ug mainland Masbate.
Sa Visayas, naapektuhan ang Antique, Aklan, Capiz, Iloilo, Guimaras, Negros Occidental, Negros Oriental, Siquijor, Cebu, Bohol, Samar, Eastern Samar, Biliran, Leyte, ug Southern Leyte.
Sa Mindanao, naapektuhan ang Dinagat Islands, Surigao del Norte, amihang bahin sa Surigao del Sur, Agusan del Norte, amihan nga bahin sa Agusan del Sur, Camiguin, ug sidlakang bahin sa Misamis Oriental.
Ang Tropical Depression Verbena, nga kaniadto usa ka Low Pressure Area sa sidlakan sa Mindanao, karon nagpabilin nga hulga sa daghang lugar sa nasud ug nagpabilin sa Signal No. 1 nga abiso.