Gikondena sa House prosecution panel ang gisumite nga Answer Ad Cautelam ni Bise Presidente Sara Duterte sa Senate impeachment court.
Gani gitawag kining puno sa mga bakak, sayop nga interpretasyon, ug dakong paglikay sa mga akusasyon nga subay sa balaod, giisip nga pamatuod sa maong mga pasangil.
Matud ni Atty. Antonio Audie Bucoy, tigpamaba sa House prosecution panel, wala matubag sa depensa ni VP Duterte ang mga isyu nga gilatid sa impeachment complaint nga nagpasangil kaniya sa graft and corruption, bribery, betrayal of public trust, ug uban pang mga dagkong krimen.
Giinsistir usab ni Bucoy nga napakyas si Duterte sa paghatag ug direkta nga tubag sa mga akusasyon, ug sa baylo, misalig lamang sa mga kalibog ug paglimod sa mga akusasyon batok kaniya.
Gipasiugda pa niini nga wala giatubang o gihimakak matud pa ni Duterte ang mga alegasyon sama sa paspas nga paggasto sa P125 milyon nga confidential funds sulod lang sa 11 ka adlaw, ang giingong pagpugong sa iyang chief of staff sa pagpagawas sa mga audit documents, ug ang paggamit sa mga peke nga pangalan sa mga liquidation reports.
Samtang nagdumili kini sa hangyo ni Duterte nga ibasura ang Articles of Impeachment, ug giingon nga walay legal nga basehan ang mga rason ang mga tubag niini.
Gikumpirma sab ni Bucoy nga usa sa mga sulod sa ilang opisyal nga tubag ngadto sa Senado mao ang hangyo nga ipadayon ang impeachment trial.