Gipadayag sa grupo sa Hamas nga dili kini uyon sa Israel sa pag-disarm hantod nga matukod ang usa ka hingpit nga sovereign nation status sa Palestine, ug ang Jerusalem nga maoy mahimong isip kapital niini.
Ang maong tubag sa Hamas gikaingong subay sa giluwat ni US envoy Steve Witkoff, nga andam na ang Hamas nga itugyan ang armas.
Padayon ang tensyon samtang napakyas ang negosasyon alang sa ceasefire ug buhian ang mga hostages, samtang natala usab nga daghan na ang Palestino ang namatay.
Sa milabay nga pipila ka mga adlaw, ang arab governments nag-awhag sa Hamas sa pag-disarm ug pagsurender sa kontrol sa Gaza, human nga pipila sa Western countries, lakip na ang France ug Canada, nagplano sa posibleng pag-ila sa state of Palestine.
Samtang, nagpabilin ang kahimtang sa kagubot ug krisis sa katawhan sa Gaza.
Base sa datos sa United Nations, kapin sa 1,373 ka Palestino ang namatay sukad sa Mayo tungod sa kawad-on, samtang ubay-ubay usab ang mga mitaliwan tungod sa gyera.
Ang giyera sa Gaza nagsugod human sa pag-atake sa Hamas sa Israel niadtong Oktubre 2023.
Base sa territory’s Hamas-run health ministry, kapin sa 60,000 na ang namatay sa Gaza, ug 169 ang namatay tungod sa kagutom, kalip na ang 93 ka mga bata.