Forensic Pathologist na si Dr. Raquel Fortun kauban sa DOJ sa imbestigasyon sa missing sabungeros

Gibutyag sa Department of Justice (DOJ) nga nangayu silag tabang ni Forensic Pathologist Dr. Raquel Fortun sa padayun nga imbestigasyon.

Matud ni Sec. Jesus Crispin Remulla kinahanglan ang tabang sa eksperto alang sa pagsusi nga ipahigayun.

Pagahimoun sa forensic expert ang forensic examination sa mga bukog nga na recover sa Taal Lake.

Giplanohan ang pag-estudyo niini aron e-match ang DNA results sa mga DNA samples sa mga pamilya sa mga nangawala nga mga sabungero.

Dugang pa niini, wala pay eksaktong panahon nga makapartisipar ang forensic expert tungod nga nag atubang pakini sa health crisis.

Gilauman ni Remulla, nga sa madali nga panahon makauban na si Fortun sa forensic examination.