Ex. president Duterte dili makatambong sa pagdungog sa iyang interim release nga giapela

Nakadesisyon si kanhi Presidente Rodrigo Duterte nga dili motambong nga personal sa pagbasa sa hukom sa giapela sa kampo niini nga interim release sa International Criminal Court (ICC).

Gikatakda nga basahon sa ICC Appeals Chamber ang apela karong adlawa Nobyembre 28 takna  alas 5:30 sa hapon.

Gipakita sa iyang abogado nga si Nicholas Kaufman ang waiver nga gipirmahan sa kanhing presidente aron gamiton ang katungod nga dili personal nga motambong sa pagmantala sa desisyon.

Tungod niini, si Kaufman na ang murepresenta sa maong proseso. Kahinumduman nga nag-atubang ang kanhi presidente og kasong crime against humanity tungod sa iyang kampanya batok sa iligal nga droga sa panahon sa iyang administrasyon.