Gibutyag sa anak ni kanhi Congressman Arnolfo “Arnie” Teves nga si Axl Teves pinaagi sa usa ka post nga gidagit matod pa ang iyang amahan sa Timor Leste, alas 8:00 sa gabii, Mayo 27 ning tuiga.
Dugang pa niini nga wala matod pay warrants o bisan unsang legal documents nga gipakita ang mga otoridad sa pagdakop sa amahan niini.
Kahinumdumang si Teves nag-atubang og mga kaso lakip na ang alegasyong pagpatay kang Negros Oriental Gov. Roel Degamo niadtong Marso 2023.
Nadakpan sa Timor Leste si Teves, apan ang korte sa maong nasud nibalibad nga papaulion kini sa Pilipinas.
Kabahin niini, nanawagan si Axl Teves nga magpatabang sa kagamahanan gumikan sa kahadlok niini nga maparehas ang dangatan sa iyang amahan sa nahitabo usab sa kanhi pangulong duterte ug gidala usab sa laing nasud.
Sa pikas bahin, giasikaso na sa DOJ ang pagpauli kang Teves sa nasud human kini gikaingong gikidnap sa Timor Leste.
Kasamtangan na nga gilihok sa DOJ ang proseso aron mahatag pagtagad ang katungod niini nga panalipdan ang kaugalingon sa legal nga pamaagi ang pag-atubang sa patong-patong nga kaso nga gisang-at batok kaniya.
Bisan pa sa iyang alegasyon nga siya usa ka asylum seeker, gibalibaran sa Timor-Leste ang iyang hangyo, ug nagpadayon ang Pilipinas sa pagtrabaho aron siya ma-extradite o makagawas gikan sa laing nasud paingon sa Pilipinas.
Samtang nagpadayon ang isyu sa posibleng pagkidnap, giimbestigahan matud pa kini sa mga otoridad.