Motuman si Senador Chiz Escudero sa bisan unsang mando nga ipagawas batok kaniya aron mapamatud-an nga wala siya nakalapas sa bisan unsang balaod.
Ang Commission on Elections (Comelec) nangayo og explinasyon kang Escudero ug sa kontraktor nga mitabang kaniya pinaagi sa P30 milyon nga campaign contribution.
Matud ni Comelec Chairman George Erwin Garcia nga magpagawas sila ug show cause order batok kang Lawrence Lubiano, tag-iya sa Centerways Construction and Development Corporation, aron ipasabut kung tinuod ba nga naghatag siya ug P30 milyon alang sa kampanya ni Escudero.
Una nang mitug-an si Lubiano sa Kamara nga naghatag siya ug milyones kang Escudero.
Kung makasumite na og tubag, sunod nga pagapasabton ang senador.
Bisan pa, nagpasalamat si Escudero kang Comelec Chairman Garcia tungod gihatagan siya ug higayon nga mapamatud-an nga wala siya nakalapas sa balaod.