Giklaro karon sa Commission on Election (COMELEC) nga ang nakakustodiya nga si kanhi Presidente Rodrigo Duterte mamahimo gihapon nga maproklama isip bag-ong mayor sa Davao City.
Si kanhi President Rodrigo Duterte nakadawat og labing taas nga ihap sa boto nga miabot ngadto sa 662,630 alang sa pagka-mayor sa Davao City, base sa opisyal ug pinal nga mga resulta gikan sa datos sa Comission on Elections.
Samtang, Si George Garcia, COMELEC Chairman, miingon nga wala kinahanglana nga anaa kini sa nasud og maproklama kini isip mananaog. Gitugyan sa Department of the Interior and Local Government kon DILG ang desisyon og mamahimo ba nga makadumala si Duterte sa iyang posisyon.
Kahinumduman nga kasamtangang nakakustodiya sa detention facility sa International Criminal Court ang kanhi presidente sukad niadtong Marso 11, 2025 tungod sa kasong crimes against humanity nga giatubang niini human sa pagpatuman niini sa war on drugs campaign atol sa pagpangatungdanan niini isip pangulosa nasud Pilipinas.