DPWH, nanawagan nga dili na kulangan ang pondo sa mga proyekto

Mihangyo ang Department of Public Works and Highways (DPWH) nga dili na kulangan sa mga magbabalaod ang P881.3 bilyones nga pondong gigahin sa departamento ubos sa proposed 2026 national budget.

Gikaingong ang nahisgurtang mga pundo sagad maminusan panahon sa mga sesyon sa Kongreso tungod kini gigahin sa ubang mga programa sa gobyerno.

Apan nagpasabot usab kini ug pagkalangay sa ilang mga programa, hilabi na kadtong kinahanglang tapuson panahon sa ting-ulan ug uban pa.

Matud ni DPWH Sec. Manuel Bonoan, ang anaa sa National Expenditure Program (NEP) niagi na sa preliminary assessment ug na-verify na sa field.

Gikaingong andam na usab sila sa pagpatuman sa mga proyekto sa DPWH kung mapasar ang proposed national budget.