Gitay-og sa makakusog nga 7.6 magnitude nga linog ang kasadpang bahin sa Davao Oriental sa buntag sa Biyernes, sumala sa pahibalo sa Philippine Institute of Volcanology and Seismology kon (PHIVOLCS).
Base sa taho sa maong ahensya, ang magnitude 7.6 nga linog natala mga 62 kilometro sa habagatan-sidlakan sa lungsod sa Manay, Davao Oriental, nga adunay kalawmon nga 10 kilometro.
Nagpahimangno ang PHIVOLCS sa katawhan nga posibleng adunay kadaot ug mga aftershock human sa maong linog busa giawhag ang tanan.
Gipasabot sa ahensya nga base sa local tsunami scenario database, posibleng mosaka ang balod og labaw sa usa ka metro gikan sa normal nga lebel sa tubig, ug mahimo pa kining mas taas sa mga baybayon, suba, ug mga estero.
Gumikan niini, gipahimangnoan sa PHIVOLCS ang mga lumulupyo sa baybayon nga muhikling dayon ngadto sa mas habog nga lugar ug molikay sa daplin sa mga kadagatan aron malikayan ang peligro.
Gidugang sa ahensya nga ang linog mahimong magresulta og dugang nga mga pag-uyog ug kadaot sa mga kabalayan, dalan, ug imprastruktura.
Sa pagkakaron padayon ang pagmonitor sa mga awtoridad, gihangyo sa lokal nga panggamhanan ang tanan nga magpabilin nga malinawon apan andam, ug sundon ang tanang mando ug pahimangno gikan sa disaster risk management offices aron masiguro ang kaluwasan sa tanan.
Reported Intensities:
- Intensity V: Lungsod ng Davao
- Intensity IV: Lungsod ng Bislig, Surigao del Sur
Instrumental Intensities:
Intensity V:
Hinunangan, Southern Leyte
Lungsod ng Gingoog, Misamis Oriental
Nabunturan, Davao de Oro
Lungsod ng Davao, Davao City
Santa Maria, Davao Occidental
Lungsod ng Kidapawan, Cotabato
Alabel at Malungon, Sarangani
Lungsod ng Koronadal at Tupi, South Cotabato
Intensity IV:
Lungsod ng Cebu, Cebu City
Sulat, Eastern Samar
Abuyog, Alangalang, Dulag, at Hilongos, Leyte
Hinundayan, Silago, at Sogod, Southern Leyte
Kalilangan, Lungsod ng Malaybalay, at San Fernando, Bukidnon
Lungsod ng Cagayan de Oro, Cagayan de Oro City
Lungsod ng Digos, Magsaysay, at Matanao, Davao del Sur
M’lang at Magpet, Cotabato
Glan, Kiamba, Maitum, at Malapatan, Sarangani
Banga, Polomolok, at Tampakan, South Cotabato
Lungsod ng General Santos, General Santos City
Columbio at Palimbang, Sultan Kudarat
Lungsod ng Cabadbaran, Agusan del Norte
Lungsod ng Surigao, Surigao del Norte
Lungsod ng Bislig, Surigao del Sur